Guritipau (VI)

Benvindo a nos Balta!!
Omi qui conche guritipau dreto!!!

Oh nho Balta, bo ta lembra quel veç q’jent ta moraba na tchadinha e cond ca tinha agua, cold de pexe era fet na faisão? Bo ta cmeba farta bdi maç? AHHHHH!!!!! Apoç, grinha sim parli sta cuns jents qui crê prendê jga Guritipau, ma nem cond carta tem um baralho de guritipau eç ca sabê. Anton como dja bo bem, e bo tem mania de spert, nada amdjor mi ma bo bem esplicaz eç cosa dret.

Chiquinhe - Bo pode cumçâ Balta! Dipoç mim ta ba ta jdob.

Balta – Oh senhores, um baralho de guritipau tem 48 carta. 12 cada naipe. Neç 48 carta tem um quê maç fort. Sê nome ê Nhanha. Nhanha ê dama de trunf.

Chiqunhe - ê Balta, ma la na cont de Fajã além de Nhanha qui ots nomes bsot ta tchmaba Dama de trunf?

Balta – Conforme basofaria de cada um podia ser: Quel Senhora, quel Amdjer, aquela patifa, mnina doirada , dona Bia , aquela puta, em fim… Pois continuando nha aula de guritipau, sobre baralho de carta indicod pa ez fim, nu ta bem fala de Bost.

Dipoç di Nhanha Bost ê carta maç fort. El ê fort, ma el ê fracu ao mesmo temp, pamo si bo adversário pxa guritipau na mesa cu Nhanha e bo tem so el bo ê obrigod a pagal e fca sem nada! Nha migo Chiquinhe moda tud gent sabê ê bom na pescal. Quel parte li quê spectaculo na jog de guritipau. Quin tem nhanha basta e panha Bost e ta fica tão fliz quel podê ba perde quel mon e ta fica content! Ma bost tem um força mo bo ca ê obrigod a pagal ora quês da trunf na mesa. Ma tem gent mau moda Toy de Djack Ti Jon qui ca ta spera pa temp. So eç passal Az de trunf na mesa el ta grita “ Az ê cmida de Bost!!!!!!!! Pa cercom senão mim ta mata!!!!!!!! Riso trapadjod!! Ê basta odja cara de Afonso. Ped fala ê Afonso czê que bo ta ri? Afonso ta responde, ez antoninhe ê um dmon, mim ka entende ma mim ta concorda. Az de facto ê cmida de Bost!!! Na tud parte de mundo!! Ago quê riso la na terrace de Nhandinhe e gent li dboxe na strada tud ta spia pa riba.

Dipoç de Bost a trecera carta maç fort ê Az de trunf. Ca meste mim explica maç sobre az pamo om faze referencia manera que Az ta relaciona cu Bost.
O rest de carta da segui regras de ordem normal so que na Guritipau na bromedj ordem inverso e maç fort. Cre fala mo duco ê maç for que terno. Na pret ê normal.

Continuaçon na próximo ponto

Chiquine de Orel