sexta-feira, 27 de novembro de 2009

Guritipau (V)

Guritipau II
Essência de piada de guritipau sta na se código, regra ou lei moda que cada um crê tchmal. Independente de designação jent pode comparal a um constituiçon onde tud deve sta bem definido. Ness norma ta entra:

  • Cantares
  • Postura
  • Carta rainha de mesa
  • Az de paust ou maç conchid pa Bost
  • Coantidade de midj qui ta da um pedra
  • Evid
  • Evid ranciod
  • Coantidade de baralho de carta
  • Força de ordem de cartas (Pret & Bromedje)
Cu base na noç aprendizagem, cond gent ta passaba oras ta odja quês oms grandes ta jga na splanada, rotunda, praça, pracinha de camil e otos zonas, as vezes era tud sentod na tchon riba dum motcha ou mesmo pedra de faze parede. Ma maç interessante era quel mesa ora improvisod de cartão ora saco de sarapilhera.

Ma ness campo de postura no cria po tonica na oms moda nha tiu "Mon Tchutche" om maç basof na jog. Gargantud!!!!!, nho Ped Vicência, Nho Romuold, Jon Casaca, pa no ca fala maç tcheu otos jgadores qui tudo tardinha ta tchmaba companhero pa quel pedra!!!! Hoje ca tem pedra??? Era primero son que no ta oviba naquel fund de stancha!!! Convem sabe que naltura televisão ca tinha!!!! Anton rapidamente eç oms ta juntaba e na poq temp carta ta ba ta rola riba saco ou cartão conforme zona. Na primero ronda, sempre gente ta oviba, ma bocez procura respeita postura!!! Era um aviso de alguém maç ponderod de grupo.

Ma falando de postura...

Si na bisca bobra e nove grãos, na guritipau basta dja tem oito, pedra ta subi riba!!!! Manera qui ta funciona:

a) Postura de midje

Ê um relação de midje entre quês doç equipas e ta funciona em função de resultod de cada rodada. Ê pode ser 6/3, 6/2, 6/4, 5/2, 5/3, 4/4, 7/2, 7/1, 5/5, 7/0… Eç relação de midje ta contece diferenciod e ê cu base neç situação qui ta gerido postura atê ora di pedra subi.

Por exemplo nu fala de 7/0. 7/0 ê às todas. O que ta cre fala que ca tem evidada mesa. Neç fase li, tud pode contece: quin tem 7 dja sta na pont, e quem tem 0 deve ganha 4 monzada consecutiv pa pode subi pedra. De qualquer manera quin tem 7 tem que poi a pau pamo guritipau ca ê quem qui tem maç trunf qui ta ganha sempre!!! Um equipa pode tem 7 midje, e equipa adversaria sta às todas, moda dja acontece cu mi, Chiqunhe e Ped de squemada (às todas) como parcer contra quel Antoniho e Nhandinhe de Zukzuk cu 7 midje, como parcer e tudo mudou de figura. No pega quês moçs no das 4 rabencada seguid e pedra ba subi pa noç banda!!!! Troça na barzinha de Terra Branca!!!! Mninas fofas lindas tud ta troça de quez doç moçs e desde quel temp no ca odjas na zona!!!!



Evid

Pa no esclarece evid ê um element fundamental. Antes de jog começa, mesa tem que ser evidod. Qualquer elemento pode poi quel grão na mesa. Ma contud si carta roda té fim e ninguem ca toma iniciativa, mesa ta fica basiu, a não ser que parce concenso enre equipas. Ali ê um caso neutro. Pode evidod mesa sem antes ninguem ter spiod carta. Pa proximu nu ta aborda otos aspetos di regras!!!

Chiquinhe de Orel

2 comentários:

Ped d'Skemada disse...

M'ka sabe si Nhandinh ma Toy ta fka kontent pamod verdade ta doé.

bom trabodj Xinkinh, pa proxima bo libra kara d'Nhanha.

Anónimo disse...

Tcheken, bo ta fazé bom trabodje!
Guritipau é um jogo prop interessant, mesmo li na emigração pessoal ta jgal pegod.

Continua quess bom trabodje assim tchel Zé Ped d'Mambia à prendê jgal dret.

Toi da Graça
Holanda