sexta-feira, 20 de novembro de 2009

Guritipau (IV)


Jog de Guritipau

Jog de guritipau ê um dques jog maç interessant de carta. No ca ta bem fala del na se raíz, ma sim nu ta bem faze um relação de alguns de sez características cu alguns casos praticus cond no ta junta pa jga um pedra.
Tem personagens actuais qui nu ka pode tcha de referi kond nu ta junta na bera dum mesa e quot cadera pa disputa doç, treç, quot pedra até que ta surgi quel guerra amigável que ta origina fin de jog e tud gent ta pta boca naquel caco. Grave!!!! Em vez de no continuâ noç jog quê um bom exercício de memoria gent ta largal pa cabriche de cada um, e em vez de publico ovi quel ordem Midje!!!!, !Ta surgi quel infame daquel Toi de Djack Ti Jon , jgador maç fraco de grupo, dipoç de Assis de Catchoce, ta grita alto e bom som, maç um rodada de grogue!!!!!
Ez guerra ta origina kond ta juntâ gent de Stancha, Squemada, Fajan, Tarrafal, Juncalinhe, ribeira prata, pamo cada um ta cre impo se regra!
Por exemplo
Nho Timas sê forte e ora que carta ca ta dâ um volta. Iss ta significa que quin corta carta se quel corte ca da um volta complet de treç carta cada um quel ot equipa ta ganha quel grão de midj de evid qui sta na mesa.
Na postura de midje Ti Ped de Squemada ta bem cu manias 6 / 2 ê mesa largod!!! Chiquinhe de Orel, falod moç maç fastent de grup ta sei de cabeça!!! Quel postura li e 2 gron de cantiga. Até li ca tem guerra concenso ta prevalece e baradcho ta continua ta roda.
Na panha ranciod, confusão e quase geral por causa de variantes. Poq veç ta tem concenso ma pa jog ca acaba cedo ta ba ta guentod sperteza de cada um.
Irão /Iraque ta cendiâ cond Toy de Djack Ti Jon ta panhadu ta roba um doç treç veç sem az !!! Nho Afonso qui ta parce maç monse ta perde juízo e mesa ta fica tud em padoç. Na próxima rodada e pa compra oto mesa .
Pa tem um garantia de alcança fim de partida sem confuson e preciso uniformiza variantes e fazê um código di ética.

Chiquinhe d'Orel

6 comentários:

Uniforça disse...

Iniciativa louvável, aliás São Nicolau tem tantos aspectos culturais que merecem ser divulgados e conhecidos no mundo, inclusivé dentro de Cabo Verde.

"m'fka quideia mo Xikim era nha parcer nes jogo e no pô pedra"

Parabens Pontxa.

pjs

Afonso Santos disse...

Antes de mais, obrigado pela visita ao blog. Mas os parabéns devem ser dados ao Chiquinhe, pela forma interessante como escreveu o artigo.

Afonso Santos

Afonso Santos disse...

Aproveitamos para transcrever um lindo comentário, recebido por email:

"Rapaz,

Mim gostâ desse crónica boza. Sim snhor, tema interessant, scrit na cadência e retrót dum realidad que tcheu vez ta passa gent spercibid.

Até que mim tem que dobe razão, cada zona tem sê variant. Por ixempl na Juncalinhe eze ta canta "panha dboxe d'saco" quando bo ca tem nada nem carta nem trunf.

Mas continua porque el é interessant.

toy da graça

Anónimo disse...

Na verdade m'ka tinha tmod atensaun na asinatura d'artigo. Xikin dja briga ma mi e ta deve um pedid desculpa e da parabens a Xiko. El devia escreve mais vezes sobre cultura SaninKlau, homem tem dom pa coisa.
pjs

Toi d'Djack Ti Jon disse...

Oh Nho Chico,
Ma lembra tammé kel vess que bo ma Djao Avis, fidje dNha Olivia la de ladera, era parcer qbsote era cantor, cand Djão bdib rasposta e bo insisti mo ele ê qu'era cantor? Dja canta: "um ta ta bai pa greja". Bo panha bo baxa mon ctrex trunfo pamode bo entendê mo ele ca tinha nada, cande bai ele staba era casode. ahahah. Bo entende mo era funeral em vess de casamente. Dja batch.

Ped Silva disse...

Convem esclarece ken ki ka konxe kuritipau pamod el é um jog conbenrsod. Ma konbersa tem regras nomeadamente na parte k'gente ta txama CANTIGA, ou seja, ora kum parcer ta canta sê mô (el ta fla kont trunf kel tem em voz alta).

nese sentid tem txeu forma de kanta konvensional e tem ots forma de kanta na brinkadera ma ki é entendid pa tud djador

pjs