Tónte temp ta quêxa falta d’água, atê q’dja foi rasolvid. E de que manêra! Doize fure na Cabêçalinhe (foi fête tambêm doize tanque i foi canecód pa quel rede q’dja tá izijti ant’s). Camáda d’Stáncha dja ca ta c’tchôre. I ainda por cima, água d’qualidad. Tambêm foi fête doize fure la pa lad d’comp priguiça (um pindid pa priguiça, ot pindid pa calenjon).
Na Comp d’Porte (caminhe d’Port d’Lapa) foi fêt um fure. Sê água foi canalizód pa Belen, ondê q’cerca de séte familha dja tem regadiu. Eze mesme água ta ta ser lebód pa Morrê Bráss, ondê c’ots familha ta conta ser bineficióde c’regadiu.
Dja sta em curse trabódj de drenagem d’água na compe d’jogue. Come ninguen ca crisse fca ta bá sum’nha batáta na el ora cta tch’bê… Gent’s d’Pico (na Praia) ê quê máss scrêt: ess tem um cómp cta sirbi pa jga na temp seco e na temp d’azágua el ta sirbi come piscina.
Féssta d’Romaria:
- Sanjon: Catchupa na Stáncha (douze quarta d’midj d’térra);
- Tem féssta d’Sanjon tambem na Scarber e na Praia Branca, ondê qu’em principe ta bá tem um romaria pa Boca ‘Rbêra;
- Féssta d’Sanped ta priviste pa atua Zê Delgade. Tamben devê ser inauguróde um nôv chafarisse na Lombóna. Igualment sta priviste um fêra d’produts agro-pecuárie dia 26 e 27, la na polivalente d’Maiamóna.
Sbô tiver interessód, da uma leitura na blog d'pastor nazarene José Heleno.
Sem comentários:
Enviar um comentário