Remodelação governamental

Zim, na Inglaterra, pergunta rainha:
- Sinhora Rainha, módi qui nha ta consigui scodji tantu ministrus tão spertus?
Mudjer rispondi:
- Well, simplismenti nta fazi um pergunta inteligenti. Si gaju rispondi dretu, anton ê teni capacidadi pa ser ministru. Odja mô nta fazi:
Rainha mánda tchoma Tóber e ê perguntal:
- Mr. T, si bu fáder ku bu máder teni um mininu qui ca ê nem bu irmon nem bu irmá, ael ê kênhê?
Tóber rispondi logu:
- Majestadi, quê’la ê mi.
Mudjer bira pa Zim:
- Dja bu ôdja? Ael ê têni perfil di ministru.
Zim volta pa téra tudu contenti. Ê tchoma um di sês ministru e ê fazi pergunta:
- Compadri, si pai cu mae di nhô teni um mininu, el’ê ka bu irmon nem bu irmá, anton ael ê kênhê?
Homi pensa uns minutus, ê fla:
- Compadri, mi gô nten ki bai pergunta nhas ajudantis e tamben noss simpatizantis, dispôs nta trazi nhu risposta.
Ministru pergunta tudu alguen, má ê ka konsigui nada. Anton ê bá na antigu prisidenti, sê cumpadri tamben, qui ê mutu inteligenti.
Ministru liga di móvel pa fixo (homi gô, antigu prisidenti, ka gosta di móvel):
- Cumpadri, ami ê…
- Ca mesti fla, djan konxi bu voz. Kusê ki bu mesti?
N’teni um dúvida pa pô nhu, cumpadri: si pai ku mae di nhu tiver um mininu, ê ka nem irmon nem irmá di nhu, ael ê kênhê?
Homi rispondi logu:
- Sô podi ser mi.
Ministru volta faxi na Zim, ê flal:
- Compadri, si nha pai ku nha mae tiver um mininu ki ka nem nha irmon, nem nha irmá, anton sô ê podi ser nôs antigu prisidenti.
Zim rispondi, ta ri:
- Ah cumpadri, djan pega nhu. Risposta di nhu sa completamenti eradu, kel mininu ê Tóber, la d’Inglatéra!